बागमती, गण्डकी, लुम्बिनी र सुदूरपश्चिममा भारी वर्षाको सम्भावना

काठमाडौँ– मनसुनी वायुको प्रभावले देशभर साधारणदेखि पूर्णतया बदली रहेको छ। जसका प्रभावले देशका अधिकांश स्थानमा हल्कादेखि मध्यम वर्षा भइरहेको छ। 

दिउँसो देशका धेरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ।

कोशी, बागमती, गण्डकी, लुम्बिनी र सुदूरपश्चिमका थोरै तथा कर्णालीका एक-दुई स्थानमा भारी वर्षाको पनि सम्भावना छ। बागमती, गण्डकी, लुम्बिनी र सुदूरपश्चिमका एक-दुई स्थानमा धेरै भारी वर्षाको पनि सम्भावना छ।

यसैगरी राति, देशभर साधारणदेखि पूर्णतया बदली रहनेछ। देशका केही स्थानमा मेघगर्जन र चट्याङसहित हल्कादेखि मध्यम वर्षा हुनेछ।

बागमती, गण्डकी र सुदूरपश्चिमका थोरै स्थानमा भारी वर्षाको पनि सम्भावना छ। बागमती र गण्डकीका एक-दुई स्थानमा धेरै भारी वर्षा हुने महाशाखाको अनुमान छ।