युरोकपको क्वार्टरफाइनल समीकरण पूरा

काठमाडौँ– युरोकप फुटबलको क्वार्टरफाइनल समीकरण पूरा भएको छ। 

मंगलबार राति अन्तिम १६ का दुई खेल सम्पन्न भएसँगै क्वार्टरफाइनल खेल्ने ८ टोलीको टुंगो लागेको हो। 

जर्मनीमा जारी प्रतियोगितामा नेदरल्यान्ड्सले रोमानियालाई ३-० र टर्किएले अस्ट्रियालाई २-१ ले पराजित गर्दै क्वार्टरफाइनलमा स्थान बनाए। 

यसअघि स्विट्जरल्यान्ड, जर्मनी, इंग्ल्यान्ड, स्पेन, फ्रान्स र पोर्चुगल क्वार्टरफाइनलमा पुगिसकेका छन्। 

क्वार्टरफाइनलका खेल शुक्रबारदेखि हुनेछन्। पहिलो खेलमा शुक्रबार स्पेन र जर्मनी भिड्नेछन्। दोस्रो खेल शनिबार पोर्चुगल र फ्रान्सबीच हुनेछ। 

त्यस्तै शनिबार नै इंग्ल्यान्ड र स्विट्जरल्यान्ड तथा आइतबार नेदरल्यान्ड्स र टर्किए भिड्नेछन्।