दक्षिण एशियाली कराँतेमा नेपाल ६२ पदकसहित टिम च्याम्पियन

काठमाडौँ– भुटानको थिम्पुमा सम्पन्न आठौँ दक्षिण एशियाली कराँते प्रतियोगितामा नेपाल टिम च्याम्पियन बनेको छ।

नेपाल, भुटान, भारत र श्रीलंला सहभागी प्रतियोगितामा नेपालले ३१ स्वर्ण, २० रजत र ११ कास्य पदकसहित कुल ६२ पदक प्राप्त गर्दै प्रथम भएको हो। 

त्यस्तै, भारत २७ स्वर्ण, २० रजत र १३ कास्य पदकसहित दोश्रो, श्रीलंका ५ स्वर्ण १८ रजत र ३१ कास्यसहित तेस्रो भएको छ। 

आयोजक भुटान ५ रजत र ३७ कास्य पदकसहित चौथो भयो। गएको वर्ष काठमाडौँमा भएको सातौँ संस्करणमा पनि नेपाली टोली टिम च्याम्पियन बनेको थियो।