देशभर मनसुनी वायुको प्रभाव कमजोर

काठमाडौँ– देशभर मनसुनी वायुको प्रभाव कमजोर रहेको छ। मनसुनको न्यूनचापीय रेखा सरदर स्थान आसपास रहेको मौसम पूर्वानुमान महाशाखाले जनाएको छ।

दिउँसो देशभर साधारणतया बदली रहनेछ। पहाडी भूभागका केही तथा तराई भूभागका थोरै स्थानमा मेघगर्जन र चट्याङसहित मध्यम वर्षाको सम्भावना छ। 

कोशी, बागमती, गण्डकी र कर्णालीका पहाडी भूभागमा भारी वर्षा हुनेछ। मधेश र लुम्बिनीका तराईमा हावाहुरीसमेत चल्ने सम्भावना रहेको महाशाखाले जनाएको छ।

राति देशभर साधारणतया बदली रहनेछ। पहाडी भूभागका केही तथा बाँकी तराई भूभागका थोरै स्थानमा मेघगर्जन र चट्याङसहित मध्यम वर्षा हुनेछ। 

कोशी, बागमती, गण्डकी, कर्णाली र सुदूरपश्चिमका पहाडी भूभागमा भारी वर्षाको पनि सम्भावना रहेको महाशाखाले जनाएको छ।