नवगठित सरकारको पहिलो मन्त्रिपरिषद् बैठक बस्दै

काठमाडौँ– नवगठित मन्त्रिपरिषद्को बैठक बस्ने भएको छ। नवनियुक्त प्रधानमन्त्री पुष्पकमल दाहालले मन्त्रिपरिषद्को बैठक बोलाएका हुन्।

बेलुकी साढे ६ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा पहिलो बैठक बस्न लागेको प्रधानमन्त्रीको सचिवालयले जनाएको छ। 

राष्ट्रपति निवासमा शपथ लिएलगत्तै प्रधानमन्त्री दाहालले मन्त्रिपरिषद् बैठक बोलाएका हुन्। प्रधानमन्त्री दाहाल, तीन उपप्रधानमन्त्री र चारजना मन्त्रीले आज शपथ लिएका छन्।