सुदूरपश्चिम, कर्णाली र गण्डकी प्रदेशमा हिमपातको सम्भावना

काठमाडौँ– हाल देशमा पश्चिमी न्यूनचापीय प्रणालीको प्रभाव रहेको छ।

जसले सुदूरपश्चिम, कर्णाली, लुम्बिनी र गण्डकी प्रदेशमा बिहान आंशिकदेखि सामान्य बदली रहेको छ। तराई भागमा बाक्लो हुस्सु र कुहिरो लागिरहेको छ।

दिउँसो सुदूरपश्चिम प्रदेश, कर्णाली प्रदेश र गण्डकी प्रदेशका उच्च पहाडी तथा हिमाली भागमा हिमपातको सम्भावना रहेको मौसम पूर्वानुमान महाशाखाले जनाएको छ। चिसोका कारण हिमाली र तराई क्षेत्रको जनजीवन बढी प्रभावित हुने छ।

हिमपात तथा बाक्लो हुस्सु र कुहिरोको प्रभावबाट बच्ने उपाय अपनाउन महाशाखाको भनाइ छ। सडक तथा हवाई यातायातसमेत प्रभावित हुनसक्ने सम्भावना छ।