हुस्सु र हिमपातको सम्भावना, हवाई यातायात प्रभावित हुनसक्ने

काठमाडौँ– हाल देशमा पश्चिमी वायुको सामान्य प्रभाव रहेको छ। तराईका अधिकांश स्थानमा बिहानीपख हुस्सु र कुहिरो लागेको छ।

प्रदेश १, कर्णाली र सुदूरपश्चिमका पहाडी भागमा आंशिक बदली रही बाँकी स्थानको मौसम सफा रहेको छ। दिउँसो प्रदेश १, कर्णाली र सुदूरपश्चिम प्रदेशमा सामान्य बदली हुने मौसम पूर्वानुमान महाशाखाले जनाएको छ। यस्तै बेलुकीपख र राति कर्णाली तथा सुदूरपश्चिमका उच्च पहाडी तथा हिमाली भागमा हिमपातको सम्भावना छ।

हिमपात र हुस्सुका कारण दैनिक जनजीवन, सडक तथा हवाई यातायातमा प्रभाव पर्ने हुनाले सतर्कता अपनाउन महाशाखाले अनुरोध गरेको छ।