पश्चिमी वायुको प्रभाव : लुम्बिनी र सुदूरपश्चिममा हावाहुरीको सम्भावना

काठमाडौँ– हाल देशमा पश्चिमी वायुको सामान्य प्रभाव रहेको छ। प्रदेश १, गण्डकी,  कर्णाली र सुदूरपश्चिमका  पहाडी भागमा सामान्य बदली हुने मौसम पूर्वानुमान महाशाखाले जनाएको छ। 

तराईमा बाक्लो हुस्सु र कुहिरो लागेको छ। दिउँसो प्रदेश १, गण्डकी, कर्णाली र सुदूरपश्चिमका उच्च पहाडी तथा हिमाली भेगमा हल्का हिमपात हुने छ। लुम्बिनी र सुदूरपश्चिमका केही स्थानमा अपराह्नतिर हावाहुरी चल्ने सम्भावना छ। अन्य स्थानको मौसम सामान्यतया सफा रहने महाशाखाको भनाइ छ। राति प्रदेश १ को उच्च पहाडी तथा हिमाली क्षेत्रमा हिमपातको हुने छ। 

भारी हिमपातको भने सम्भावना छैन। हिमपात र हुस्सुका कारण दैनिक जनजीवन, सडक तथा हवाई यातायात प्रभावित हुनसक्ने भएकाले सतर्कता अपनाउन महाशाखाको अुनरोध छ।