कस्तो छ आजको मौसम?

काठमाडौँ– हाल कुनै उल्लेखनीय मौसमी प्रणालीको प्रभाव नरहेका कारण देशभरको मौसम सामान्यतया सफा रहेको छ।

तराईका केही स्थानमा मात्र हुस्सु र कुहिरो लागेको छ। मौसम पूर्वानुमान महाशाखाका अनुसार दिउँसो प्रदेश १ को पहाडी भागमा आंशिक बदली रही अन्य स्थानको मौसम सफा रहनेछ। राति सुदूरपश्चिम, कर्णाली र प्रदेश १ को  पहाडी भागमा आंशिक बदलीको सम्भावना छ।

तत्काल हिमपात र वर्षा हुने मौसमी प्रणाली नरहेको महाशाखाको भनाइ छ।