प्रदेश १ र गण्डकीमा हिमपातको सम्भावना

काठमाडौँ– पश्चिमी वायुको आंशिक प्रभाव रहेकाले प्रदेश १ र बागमतीमा आंशिकदेखि सामान्य बदली रहेको छ।

तराईका केही स्थानमा हुस्सु र कुहिरो लागेको छ। बाँकी स्थानको मौसम सफा रहेको मौसम पूर्वानुमान महाशाखाले जनाएको छ। दिउँसो प्रदेश १ र गण्डकीका पहाडी भागमा आंशिक देखि सामान्य बदली हुने छ भने उच्च पहाडी तथा हिमाली भागमा हिमपातको सम्भावना रहेको महाशाखाले जनाएको छ।

तराईमा लागेको हुस्सु दिउँसो भने क्रमशः हट्दै जाने र घाम लाग्ने छ। प्रदेश १ का उच्च पहाडी तथा हिमाली भागमा राति पनि हिमपात हुने महाशाखाले जनाएको छ।