कस्तो छ आजको मौसम?

काठमाडौँ– हाल देशमा पश्चिमी र स्थानीय वायुको प्रभाव रहेको छ।

जसको प्रभावले पहाडी भागमा आंशिक बदली रही बाँकी स्थानको मौसम सफा रहेको मौसम पूर्वानुमान महाशाखाले जनाएको छ। दिउँसो पहाडी भागमा मेघ गर्जन र चट्याङसहित पानी पर्ने सम्भावना छ।

उच्च पहाडी तथा हिमाली भागका हिमपातसमेत हुनसक्ने महाशाखाले जनाएको छ। प्रदेश १, गण्डकी र कर्णालीका उच्च पहाडी तथा हिमाली क्षेत्रमा राति पनि हल्का हिमपात हुने सम्भावना छ।

मेघ गर्जन र चट्याङसहित पानी पर्ने भएकाले सतर्कता अपनाउन महाशाखाले अनुरोध गरेको छ।