पहाडी भागमा मेघ गर्जनसहित वर्षाको सम्भावना

काठमाडौँ– हाल देशमा पश्चिमी वायुको सामान्य प्रभाव छ।

जसका कारण कर्णाली र सुदूरपश्चिमका पहाडी भागमा आंशिकदेखि सामान्य बदली रहेको मौसम पूर्वानुमान महाशाखाले जनाएको छ। दिउँसो पहाडी भागमा मेघ गर्जन र चट्याङसहित हल्का वर्षाको सम्भावना छ।

यस्तै उच्च पहाडी तथा हिमाली भागका थोरै स्थानमा हिमपातसमेत हुने महाशाखाको अनुमान छ। राति गण्डकी, कर्णाली र सुदूरपश्चिममा सामान्य बदली हुने छ। ती तीन वटा प्रदेशमा हल्का वर्षा र हिमपातको पनि सम्भावना छ।

मेघ गर्जन र वर्षासहित हिमपात हुने भएकाले आवश्यक सावधानी अपनाउन महाशाखाले अनुरोध गरेको छ।