कोशी, बागमती र गण्डकी प्रदेशमा वर्षाको सम्भावना

काठमाडौँ– देशमा अझै स्थानीय र पश्चिमी वायुको प्रभाव कायम छ।

जसका कारण पहाडी भूभागमा आंशिक बदली भइरहेको छ। दिउँसो कोशी, बागमती र गण्डकी प्रदेशका पहाडी भूभागमा आंशिक रहने मौसम पूर्वानुमान महाशाखाले जनाएको छ।

कोशी, बागमती र गण्डकी प्रदेशका पहाडी भूभागमा मेघगर्जन र चट्याङसहित वर्षा हुनेछ। बेलुकीपख तराईका केही स्थानमा पनि हावाहुरीसँगै वर्षाको सम्भावना रहेको महाशाखाको अनुमान छ।

कोशी र गण्डकी प्रदेशको पहाडी भूभागमा राति पनि मेघगर्जन र चट्याङसहित वर्षा हुने सम्भावना छ। चट्याङ र हावाहुरीबाट बच्न सतर्कता अपनाउन महाशाखाले अनुरोध गरेको छ।