कस्तो छ सोमबारको मौसम?

काठमाडौँ– हाल देशमा स्थानीयसँगै पश्चिमी वायुको सामान्य प्रभाव रहेको छ।

पहाडी भूभागमा आंशिक बदली  रही बाँकी स्थानको मौसम सफा रहेको मौसम पूर्वानुमान महाशाखाले जनाएको छ।

दिउँसो कोशी, बागमती र गण्डकी प्रदेशका पहाडी भूभागमा मेघगर्जन र चट्याङसहित वर्षाको सम्भावना छ।

बेलुकीपख पहाडी र तराईका केही स्थानमा हावाहुरीसमेत चल्ने महाशाखाको अनुमान छ। यस्तै कोशी र गण्डकी  प्रदेशका पहाडी भूभागमा राति पनि मेघगर्जन र चट्याङसहित वर्षा हुने छ।

वर्षा र हावाहुरीबाट बच्न सतर्कता अपनाउन महाशाखाले अनुरोध गरेको छ।