कस्तो छ आइतबारको मौसम?

काठमाडौँ– हाल देशमा स्थानीय र पश्चिमी वायुको आंशिक प्रभाव रहेको छ।

जसका कारण मधेश र कोशीमा आंशिक बदली रहेको मौसम पूर्वानुमान महाशाखाले जनाएको छ। गण्डकी प्रदेशको पहाडी भूभागमा हल्का वर्षा भइरहेको छ।

दिउँसो देशभरका पहाडी भूभागमा आंशिक बदली हुने सुदूरपश्चिम, कर्णाली र गण्डकी प्रदेशमा मेघ गर्जन र चट्याङसहित वर्षाको सम्भावना छ। अपराह्नपछि हावाहुरीसमेत चल्ने महाशाखाले जनाएको छ।

देशका पहाडी भूभागमा राति पनि हल्का वर्षाको सम्भावना छ। चट्याङ र हावाहुरीबाट बच्न आवश्यक सतर्कता अपनाउन महाशाखाले अनुरोध गरेको छ।