कस्तो छ मंगलबारको मौसम?

काठमाडौँ– हाल देशमा स्थानीय र पश्चिमी वायुको आंशिक प्रभाव रहेको छ।

जसले गर्दा पहाडी भूभागको मौसम बदली रहेको मौसम पूर्वानुमान महाशाखाले जनाएको छ। दिउँसो कोशी, गण्डकी, कर्णाली र सुदूरपश्चिम प्रदेशमा मेघगर्जन र चट्याङसहित वर्षाको सम्भावना छ।

अपराह्नपछि हावाहुरीसमेत चल्ने महाशाखाले जनाएको छ। यस्तै राति देशका पहाडी भूभागमा आंशिक बदली भई एक–दुई स्थानमा वर्षा हुने सम्भावना छ।

मेघगर्जन र चट्याङसहित वर्षा हुने र हावाहुरीसमेत चल्ने भएकाले सतर्कता अपनाउन महाशाखाले अनुरोध गरेको छ।