शनिबारको मौसम : मेघगर्जन र हावाहुरीसहित वर्षाको सम्भावना

काठमाडौँ– हाल देशमा पश्चिमी र स्थानीय वायुको प्रभाव रहेको छ।

कोशी र सुदूरपश्चिमसहित पहाडी भूभागमा सामान्य बदली रहेको मौसम पूर्वानुमान महाशाखाले जनाएको छ। कोशी र बाँकी प्रदेशका पहाडी क्षेत्रमा मेघगर्जन र चट्याङसहित वर्षाको सम्भावना छ।

अपराह्नपछि पश्चिम तराईमा हावाहुरी चल्ने महाशाखाको अनुमान छ। यस्तै राति पहाडी भूभागमा राति पनि वर्षाको सम्भावना छ।

चट्याङ र हावाहुरीसहित वर्षा हुने भएकाले सतर्कता अपनाउन महाशाखाले अनुरोध गरेको छ।

हावाहुरीले शुक्रबार पनि काठमाडौँ उपत्यकासहित देशका विभिन्न स्थानमा क्षति गरेको थियो।