भारतको पन्जाबमा ग्यास लिक हुँदा ११ जनाको मृत्यु

बेहोस भएका पाँच जनालाई अस्पताल लगिएको छ। लुधियानास्थित एउटा किराना पसलबाट विषालु ग्यास लिक भएको हो। 

उकालो

आइतबार, १७ बैशाख, २०८०

भारतको पन्जाबमा ग्यास लिक हुँदा ११ जनाको मृत्यु

भारतको पन्जाब राज्यको लुधियानाको गियासपुरामा विषालु ग्यास लिक हुँदा  ११ जनाको मृत्यु भएको छ।

ग्यास लिक भएपछि बेहोस पाँच जनालाई अस्पताल लगिएको बताइएको छ। लुधियानास्थित एक किराना पसलबाट विषालु ग्यास लिक भएको भारतीय सञ्चारमाध्यम आज तकले जनाएको छ।

घटनापछि स्थानीय प्रहरी र अग्नि नियन्त्रकको टोलीले आसपासका मानिसलाई उद्धार गरी सुरक्षित स्थानमा लगेको बताइएको छ। पन्जाबका मुख्यमन्त्री भगवंत मानले घटनाप्रति दुःख व्यक्त गर्दै पुलिस, प्रशासन र एनडीआरएफको टोली घटनास्थल पुगेको बताएका छन्।

सहयोगका लागि हर सम्भव प्रयास गरिने उनको भनाइ छ। घटनाको जाँचका लागि विशेषज्ञको टोली बोलाइएको आजतकले जनाएको छ।

भारत
पन्जाब
ग्यास लिक
प्रतिक्रिया दिनुहोस !