पश्चिमी वायुको प्रभावले देशभरको मौसम बदली, काठमाडौँमा बिहानैदेखि वर्षा

काठमाडौँ– पश्चिमी वायुको प्रभावले देशभरको मौसम बदली भएको छ। मौसम पूर्वानुमान महाशाखाका अनुसार काठमाडौँ र कर्णाली प्रदेशमा वर्षा भइरहेको छ।

काठमाडौँ उपत्यकामा बिहानैदेखि सिमसिम पानी परिरहेको महाशाखाको भनाइ छ। देशका पहाडी भूभागमा दिउँसो पनि आंशिकदेखि सामान्य बदली रहने छ।

कोशी, मधेश र बागमतीलगायत देशका पहाडी भूभागमा मेघगर्जन र चट्याङसहित वर्षा हुने सम्भावना छ।

वर्षाका कारण सडक तथा हवाई यातायात, कृषि, पर्यटन लगायतका क्षेत्र प्रभावित हुनसक्ने भएकाले सावधानी अपनाउन महाशाखाको अनुरोध छ।