आजको मौसमः केही प्रदेशमा आंशिक बदली तथा हल्का वर्षाको सम्भावना

काठमाडौँ- आज प्रदेश १, वाग्मती प्रदेश, गण्डकी प्रदेशका पहाडी भूभागमा आंशिक बदली रहने तथा बाँकी भूभागको मौसम सफा रहने जल तथा मौसम विज्ञान विभागले जनाएको छ। 

त्यस्तै, प्रदेश नं १, वाग्मती र गण्डकी प्रदेशका पहाडी भूभागका एक-दुई स्थानमा हल्का वर्षाको सम्भावना रहेको विभागले जनाएको छ।

राति भने प्रदेश नं १, बागमती प्रदेश, गण्डकी प्रदेश र कर्णाली प्रदेशका पहाडी भूभागहरूमा आंशिक बदली रही बाँकी भूभागमा मौसम सामान्यतया सफा रहनेछ। त्यस्तै, प्रदेश नं १,गण्डकी र सुदुर पश्चिम प्रदेशका पहाडी भूभागका एक-दुई स्थानमा हल्का वर्षाको सम्भावना रहेको छ ।

त्यसबाहेक देशका अधिकांश भूभागको मौसम सफा रहने विभागले प्रकाशित गरेको विज्ञप्तिमा उल्लेख छ।