मधेश, लुम्बिनी र सुदूरपश्चिममा भारी वर्षाको सम्भावना

काठमाडौँ– मनसुनी वायुको प्रभावले देशभर सामान्यदेखि पूर्ण बदली रहेको छ।

कोशी, मधेश र लुम्बिनी प्रदेशका थोरै र बाँकी प्रदेशका एक–दुई स्थानमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ।

दिउँसो पनि देशभर आंशिकदेखी सामान्य बदली नै रहनेछ। महाशाखाका अनुसार मधेश, लुम्बिनी र सुदूरपश्चिम प्रदेशमा मेघगर्जन र चट्याङसहित भारी वर्षा हुनेछ।

लुम्बिनी र सुदूरपश्चिमका तराई भूभागमा हावाहुरीसमेत चल्ने सम्भावना छ।

लुम्बिनी र सुदूरपश्चिमका केही स्थानमा राति पनि मेघगर्जन र चट्याङसहित भारी वर्षा हुनेछ।