वर्षा र चट्याङका कारण सडक तथा हवाई यातायात, कृषि, पर्यटन, खेलकुदलगायत क्षेत्रहरू प्रभावित हुनसक्ने भएकाले सतर्कता अपनाउन महाशाखाले अनुरोध गरेको छ। 

जितपछि बैंगलोर १० अंकसहित पाँचौँ स्थानमा उक्लिएको छ। समान अंक रहेको लखनउ तेस्रो स्थानमा छ।

कांग्रेस महामन्त्री गगन थापाले गणतन्त्रमा राज्यका उच्च पदस्थ व्यक्तिहरूले राज्यकोषबाट र आमनागरिकले आफैँ उपचार गर्नुपर्ने विभेद हुन नहुने जिकिर गरे।

सन् १९८५ मा स्थापित फर्स्ट रिपब्लिक बैंक अमेरिकाको १४औँ ठूलो बैंक थियो। तर, गत मार्चमा सेयरमा ९७ प्रतिशतभन्दा बढी गिरावट आएसँगै बैंकमा वित्तीय संकट देखिएको थियो।

सहमतिपछि अध्यक्ष पुनले सोमबारबाट आफ्नो आन्दोलन स्थगित गरेको र आगामी दिनमा युवाहरूलाई जागरूक गर्न आन्दोलन गर्ने बताए।

सोमबार दिउँसो बसेको रास्वपा संसदीय दलको बैठकले पार्टी सभापतिसमेत रहेका लामिछानेलाई पुनः दलको नेता चयन गरेको छ।

चीनका ३२२ वटा शहरका अस्पतालका करिब २ लाख बिरामीहरूमा भएको अध्ययनले वायु प्रदूषणले मुटुको चाल अनियमित गराउने, हृदयाघात र पक्षाघातको जोखिम बढाउने औँल्याएको छ।

प्रदेश र स्थानीय तहबाट ४ हजार बढी आयोजनाका लागि १ खर्ब ४२ अर्ब रुपैयाँ माग गर्दै प्रस्ताव पेस भएकोमा बजेटको सीमाभित्र रहेर करिब २० प्रतिशत आयोजना छनोट गरिएको योजना आयोगले जनाएको छ।

प्रधानमन्त्री पुष्पकमल दाहाल 'प्रचण्ड'ले आफ्नो पार्टीको चुनावी घोषणापत्रमा उल्ले‍ख भएअनुसार आयोग बनाएर २०४८ सालयताका भ्रष्टहरूमाथि छानबिन गर्ने दाबी गरेका छन्।

बोर्डको सोमबार बसेको सञ्चालक समितिको बैठकले गत असोजमा आवेदन दिएका ४५ मध्ये १६ वटा कम्पनीलाई आशय पत्र दिने निर्णय गरेको छ।

थापाहिटीमा डोरीले तान्न सक्ने र रथ मिलाउन नसकिने भएपछि क्रेनको सहायता लिएको मच्छिन्द्रनाथको रथ निर्माणका मुख्य नाइके दिलकुमार बाराही बताउँछन्।

रास्वपाले सरकारमा सहभागिताबारे शुक्रबार निर्णय लिने भएको छ।

ओलीले सिंहदरबारको फोहोर काठमाडौँ महानगरपालिकाले उठाउँदिनँ भन्दा सरकारले त्यसको जवाफ दिन नसकेको भन्दै आक्रोश व्यक्त गरे।

वर्षका कारण प्रभावित भएको एसीसी प्रिमियर कपअन्तर्गत नेपाल–यूएईबीचको खेल मंगलबार हुने भएको छ। खेल सोमबारकै (१०६–९/२७.३ ओभर) स्थितिमै शुरू हुने बताइएको छ।

गोल्डेन रिट्रिभर प्रजातिको कुपर नामको कुकुर हराएको २७ दिनपछि पुरानो मालिक फोटोग्राफर निगेल फ्लेमिङकहाँ पुगेको छ।

रुसको क्षेप्यास्त्र आक्रमणबाट युक्रेनमा १९ वटा अग्ला आवासीय भवन, २५ वटा नीजि घर, ६ वटा अन्य विद्यालयसहित पाँच वटा पसलमा क्षति पुगेको बताइएको छ।

कीर्तिपुरमा वर्षा जारी रहेपछि सोमबार एसीसी प्रिमियर कपअन्तर्गत नेपाल र यूएईबीचको खेल हुने सम्भावना न्यून बनेको छ। यदि आज खेल हुन नसके मंगलबार आजकै खेलले निरन्तरता पाउने छ।

कीर्तिपुरस्थित त्रिवि क्रिकेट मैदानमा एसीसी प्रिमियर कपअन्तर्गत नेपाल र यूएईबीचको खेल पुन: शुरू भएको छ। वर्षाले आधा घन्टा खेल रोके पनि ओभर घटाइएको छैन।

एसीसी प्रिमियर लिग अन्तर्गत कीर्तिपुरस्थित त्रिवि क्रिकेट मैदानमा भइरहेको नेपाल र यूएईबीचको फाइनल वर्षाका कारण रोकिएको छ। खेल रोकिनुअघि बलिङमा रहेको नेपालले यूएईलाई दबाबमा राखेको छ।

सोमबार १३४औँ अन्तर्राष्ट्रिय श्रमिक दिवस मनाइँदै छ। हरेक वर्षको अंग्रेजी महिनाको मे १ मा श्रमिक दिवस मनाइने गरिन्छ। श्रमिक दिवस सन् १८९० देखि मनाउन शुरू गरिएको हो। सन् १८८९ मा फ्रान्सको पेरिसमा विश्वका श्रम संगठन एवं श्रमिक नेताको बैठक सम्पन्न भएको थियो। सोही बैठकले विश्वभर श्रमिक दिवस मनाउने निर्णय गरेको थिए। सन् १८८६ मा अमेरिकाको सिकागोमा ‘आठ घण्टा काम, आठ घण्टा मनोरञ्जन र आठ घण्टा आराम’ नारासहित मजदुर आन्दोलन भएको थियो। त्यसैको सम्झनामा विश्वभर श्रमिक दिवस मनाइन्छ। नेपालमा श्रम, रोजगार तथा सामाजिक सुरक्षा मन्त्रालयले यस वर्षको नारा ‘सामाजिक सुरक्षा, मर्यादित श्रम; राष्ट्रको अभियान’ तय गरेको छ। देशमा विभिन्न कार्यक्रम गरेर श्रमिक दिवस मनाइरहँदा श्रमिकहरूलाई दिवसले छोएन। दिनभर काम गरेर छाक जुटाउन उनीहरू नियमितजस्तो आफ्नो काममा व्यस्त देखिए। तस्वीरहरू : किसन पाण्डे