लाक्पा लामाले कुनै बेला यू-१७ फुटबलको राष्ट्रिय प्रतियोगिता खेलेका थिए। तर उनी चर्चित क्रिकेटर बने। सन् २००२ मा नेपालले पहिलोपटक यू-१९ विश्वकप क्रिकेट खेल्दा उनी नेपाली टोलीका महत्त्वपूर्ण सदस्य थिए।

चीनको हाङझाउमा जारी १९औँ एशियाली खेलकुद प्रतियोगिताको चौथो दिन नेपाली पुरुष क्रिकेट टोलीले मंगोलियासँग भएको पहिलो खेलमा विश्व कीर्तिमानी जितसँगै अनेक कीर्तिमानको ओइरो लगाएको छ। 

नेपाली फुटबलकै निम्ति कालो धब्बा बनेको आठ वर्षअघिको ‘म्याच फिक्सिङ’ प्रकरण कति घातक थियो भनेर त्यसमा मुछिएका खेलाडीहरूको बर्बादीले नै बोलिरहेको छ।

क्यान अध्यक्ष चतुरबहादुर चन्दसँगको असहज सम्बन्धकै कारण पारस खड्काले कप्तानबाट राजीनामा दिएर केहीपछि मैदानसमेत छाडेका थिए। अहिले पारस उनै चन्दको सहयोगमा क्यान सचिव भएलगत्तै एक्लो महसुस गर्दैछन्।

सन् २०१८ मा भएको एशियन गेम्समा उमेर समूहको विश्वकप खेलिसकेको जापानलाई १-० मा रोक्न सक्ने स्तरमा पुगेको नेपाल पछिल्लो समय भारत र बंगलादेशको चुनौती पनि पन्छाउन नसक्ने स्तरमा खस्केको छ।

आर्थिक संकटका कारण एन्फाले 'बी' र 'सी' डिभिजन लिग गर्न सकेको छैन। 'ए' डिभिजन क्लबसमेतलाई लिग तयारीबापतको रकम अझै दिइएको छैन। तर कार्यसमिति सदस्यलाई भने अनेक बहानामा नियमविपरीत लाखौँ भत्ता बाँडिएको छ।

पाकिस्तान र भारतसँग पहिलोपटक ओडीआई खेलिरहेको नेपालले गुमाउनुपर्ने केही थिएन। तर पाकिस्तानसँग नेपाली टोली दबाबमा आउँदा खेल एक पक्षीय भयो। अर्को खेलमा भने नेपाली टोलीले भारतलाई दबाबमा राख्न सक्यो।

खेल मैदान छाडेको दुई वर्षपछि पारस खड्का प्रदेशको क्रिकेट हाँक्ने ठाउँमा पुगेका छन्। उनको लक्ष्य क्यान नेतृत्वमै पुग्ने छ। तर यसैपालि या अर्कोपटक, टुंगो लागिसकेको छैन।

बुधबारदेखि शुरू हुने एशिया कपमा नेपालले क्रिकेट महारथीहरू भारत र पाकिस्तानसँग खेल्दै छ। यी दुई खेलको नतिजाभन्दा धेरै ठूलो हुनेछ, नेपाली क्रिकेटमा तिनै दुई खेलले जुराइदिने अवसर।

फुटबल, भलिबलजस्ता खेलका राष्ट्रिय प्रतियोगिता खेलिसकेका र राष्ट्रिय टोलीमा परेर पनि बेञ्चमै बस्न बाध्य खेलाडी अवसरको खोजीमा रग्बी खेल्न आइपुगेका छन्।

​​​​​​​विश्वकपमा पुग्न नसकेका राष्ट्रका खेलाडी र प्रशिक्षकलाई खेल हेर्न फिफाले सबै देशका फुटबल संघलाई सीमित टिकट दिन्छ। महिला विश्वकपको लागि यसपटक दिइएको २३० टिकट एन्फा पदाधिकारीले भागबन्डा गरेका छन्।

नेपालको महिला क्रिकेट टोलीले अहिलेसम्म एशियाबाहिरका देशहरूसँग प्रतिस्पर्धा गर्न पाएको छैन। टेस्ट राष्ट्रबाहेक यूएई र थाइल्यान्डको दबदबा हुँदा नेपालले उनीहरूको चुनौती पार लगाउन नसकेको हो।

भारतका विभिन्न ठाउँका 'टोले' प्रतियोगिताका लागि पैसाको लोभमा कतिपय रेफ्री तथा खेलाडी त्यता पुगिरहेका छन्। तर गुणस्तरहीन मैदान, रफ खेल र झगडाको सम्भावनाले जोखिम हुने खेलाडी नै बताउँछन्।

एएफसी कपको प्रारम्भिक चरणमा मछिन्द्र फुटबल क्लबले मंगलबार भुटानको पारो एफसीसँग प्रतिस्पर्धा गर्दै छ। दुवै टोली एएफसी कपको दोस्रो चरणमा पुग्ने लक्ष्यसाथ मैदान उत्रिँदै छन्।

सन् २००६ मा नामिबियाविरुद्ध डेब्यु गरेका ज्ञानेन्द्र २००९ मा पारस खड्का कप्तान भएसँगै उपकप्तान नियुक्त भए। 'पारस युग'पछि कप्तान भएका उनी क्यानसँगको विवादले छोटो समयमै बर्खास्तीमा परे।

घरेलु लिग खेल्न सम्बन्धित देशको फुटबल संघले मापदण्ड पुगेका क्लबलाई लाइसेन्स दिनुपर्ने नियम फिफा र एएफसीले लागू गरे पनि एन्फाले त्यसविपरीत 'ए' डिभिजन लिग खेलाउँदा अन्तर्राष्ट्रिय साख नै गुमेको छ।

मानबहादुर घरभन्दा ६० किमि टाढा नवलपरासीमा भएको राष्ट्रिय भलिबल प्रतियोगिता हेर्न पुगेका थिए। तर मध्यपश्चिमका एक खेलाडी खेलअघि नै घाइते भएपछि मानबहादुरको जिन्दगीको बाटो नै मोडियो।

आर्मीको 'प्रोटेस्ट'पछि एमआरआई जाँच गर्दा उमेर बढी देखिएका एक खेलाडी खेलाउन पाउनु पर्ने अडान राखेर लिग नै बहिस्कार गर्ने एनआरटीको निर्णयले त्यस क्लबमा आबद्ध २८ खेलाडी खेल्नबाट वञ्चित भएका छन्।

राष्ट्रिय महिला टोलीका लागि एन्फा र राखेपले फरक प्रशिक्षक नियुक्त गरेपछि शुरू विवादले फुटबल प्रशिक्षण नै प्रभावित भएको त छ नै, एन्फासँग महिला फुटबललाई उकास्न कुनै घरेलु प्रतियोगितासमेत छैन।

पारस खड्काले १० ओडीआई खेल्दा आठ वटामा तेस्रो स्थानमा ब्याटिङ गरेका थिए। मन्टी देसाईले प्रशिक्षण सम्हाले यता पाँच ब्याटरलाई तेस्रो स्थानमा प्रयोग गरेका छन्। तर कोही पनि सफल भएका छैनन्।