नेपालले साढे २ महिनापछि हुने १९औँ एशियाडमा २९ खेलमा भाग लिँदैछ। तर भलिबल, बक्सिङ, रग्बी र एथ्लेटिक्सबाहेक अन्य २५ खेलको बन्द प्रशिक्षण शुरू नहुँदा प्रशिक्षक र खेलाडी निराश छन्।

'ए' डिभिजनबाट रेलिगेसनमा परेको एपीएफले खेलमा मिलेमतो भएको भन्दै एन्फामा उजुरी दिएको थियो। उक्त उजुरीमा छानबिन नभएपछि क्लबमा आबद्ध महिला खेलाडीलाई एपीएफले राष्ट्रिय टोलीका लागि रिलिज गरेको छैन।

फुटबलर आशिषको जीवनको एउटा लक्ष्य हो, आफ्नै सानो घर बनाएर बस्ने बुबाको सपना पूरा गर्नू। त्यही सपनाले डोर्‍याएर उनका बुबा साउदी अरब पुगेका छन्। उनी भने साउदी सपना त्यागेर फुटबलमा लागे।

अनुभवी खेलाडीहरू पलायन भएपछि बनाइएको युवा टोली, त्यो पनि तयारीबेगर साफ च्याम्पियनसिप खेल्न पुगेकाले यस्तो नतिजा अपेक्षित नै थियो। तर यसले प्रश्न उब्जाएको छ– कतिन्जेल हारलाई नै ‘उपलब्धि’ मानिरहने?

आईसीसी वरीयतामा दोस्रो र तेस्रो स्थानमा रहेका पाकिस्तान र भारतसँग आगामी एशिया कपमा खेल्न लागेको नेपालको स्तर जिम्बावेमा उजागर भएको छ। नेपाललाई ठूलो अन्तरमा हराएको वेस्ट इन्डिज अहिले १०औँ वरीयतामा छ।

क्यानले आधिकारिक फ्रेन्चाइज लिगका नाममा आयोजना गरेको नेपाल टी२० लिग पहिलो संस्करणमै विवादित भयो। अन्य तीन वटा लिग पनि पुरानै स्वरूपमा खेलाउन रोकिएपछि नेपाली क्रिकेट लिगबिहीन हुने अवस्थामा छ।

कुवेतले नेपालविरुद्ध दबदबाको रेकर्ड नै राखेको छ। दुवै टोलीले कुल ९ पटक एक अर्कासँग खेलेका छन्। जसमा कुवेत ८ पटक विजयी भएको छ भने १ खेल बराबरीमा टुंगिएको छ।

एक-एक घन्टामा फेर्नु पर्ने पानी धेरैजसो स्विमिङ पुलमा बिहान एकपटक मात्र फेरिन्छ, अझ कतिले हप्तामा एकपटक शनिबार मात्र फेर्छन्। क्लोरिन र पोटासको मात्रा पनि नमिलाइ राख्दा कपाल तथा छालामा समस्या हुन्छ।

२०६४ सालमा 'सी' डिभिजन छनोट पार गरेको खुमलटार १५ वर्षपछि शीर्ष डिभिजनमा उक्लियो। तर, 'ए' डिभिजनमा टिक्न नसकेपछि क्लब पदाधिकारीले एन्फालाई दोष लगाउँदा पूर्वप्रशिक्षकहरू व्यवस्थापककै कमजोरी बताउँछन्।

 २०६६ सालमा स्थापना भएको, त्यसपछि पनि वर्षौंसम्म मोफसलका प्रतियोगितामा केन्द्रित भएको चर्च ब्वाइजले पहिलो सहभागितामै ‘ए’ डिभिजन लिग उपाधि जित्नु चमत्कारभन्दा कम छैन।

एन्फाले आगामी चार वर्षभित्र महिला फुटबलको विश्वकप खेल्ने लक्ष्य राखेको छ, तर त्यसअनुसार कार्ययोजना छैन। महिला फुटबल घरेलु प्रतियोगिताबिहीन छ भने, दुई वर्षदेखि राष्ट्रिय लिग हुन सकेको छैन।

मनाङ र थ्री स्टारमा देख्न पाइने राष्ट्रिय टोलीका उत्कृष्टसहित विदेशी खेलाडीहरूको जमघट यसपटक छैन। दुवै क्लब युवा खेलाडीमा भर पर्दा रेलिगेसनबाट जोगिन संघर्ष गरिरहेका छन्। खेलमा न रौनक छ, न चर्चा।

फरक क्षमताकी सिर्जनाले, भाग लिएका पाँच अन्तर्राष्ट्रिय पारा तेक्वान्दो प्रतियोगितामध्ये तीनमा पदक जितेकी छन्। नौ महिनादेखि एशियाडको तयारीमा जुटेकी उनले स्वर्ण जित्ने अपेक्षा गरिएको छ। 

एन्फा चरम आर्थिक संकटमा पुगेपछि एएफसी यू–२३ एशियन कप छनोट नखेल्ने भएको छ। आगामी महिना हुने साफका लागि भने बजेट व्यवस्था गरिएको छ। तर, 'बी' डिभिजनलगायत घरेलु प्रतियोगिता अनिश्चित भएका छन्।

'ए' डिभिजन लिगको व्यस्त तालिकामा खेलाडीलाई आराम छैन। राष्ट्रिय टोलीका सम्भावित खेलाडी घाइते भइरहेका छन्। लिग सकिएको दुई हप्तापछि शुरू हुने साफमा खेलाडीले ९० मिनेट खेल्न नसक्ने प्रशिक्षकको चिन्ता छ।

शिक्षण छाडेर सन्तोषले मसाज ‘क्लिनिक’मा काम थाले। त्यो पनि छाडेर आठ वर्ष राष्ट्रिय टोलीबाट दृष्टिविहीन क्रिकेट खेल्दा खेलाडी साथीहरूको मसाज गरिदिन्थे। अहिले क्रिकेट चटक्क छाडेर मसाजमै फर्किएका छन्।

नेपालले अन्तर्राष्ट्रिय भलिबल प्रतियोगिता खेल्ने मौका कमै पाउँछ। यसपटक काभा वुमन्स भलिबल खेल्न लागेको नेपालले काजकस्तान, किर्गिस्तान र उज्वेकिस्तानसँगै वरीयतामा माथि रहेको भारत लगायतसँग खेल्नेछ।

राष्ट्रिय टोलीबाट खेलिसकेका सहित ४० भन्दा बढी खेलाडी विदेशिएपछि यो सिजन घरेलु लिगमा रेलिगेसन जोनका पुलिस, फ्रेन्ड्स र खुमलटार होस् वा उपाधि होडका चर्च ब्वाइज र जावलाखेल, सबै विदेशी खेलाडीकै भरमा छन्।

नेपाल सन् २००२ मा एशिया कपका लागि छनोट भए पनि भारत र पाकिस्तानबीचको द्वन्द्वका कारण प्रतियोगिता भएन। अहिले, दोस्रोपटक छनोट हुँदासमेत ती देशबीचको विवादले एशिया कप हुनेमा संशय छ।

लिग संरचनाअनुसार तल्लोदेखि माथिल्लो ‘डिभिजन’का क्लबले सम्बन्धित श्रेणीमा प्रतिस्पर्धा गरेपछि मात्र एउटा लहरो पूरा हुन्छ, तर प्रतिस्पर्धाको यो लहरो बीचमै चुडाएर एन्फाले लिगको पिरामिड नै भत्काउँदैछ।