हुम्लाको श्रीनगर आसपास केन्द्रविन्दु भएर भूकम्प

काठमाडौँ– हुम्ला जिल्लाको श्रीनगर आसपास केन्द्रविन्दु भएर भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार आज दिउँसो २:३२ बजे हुम्लाको श्रीनगर क्षेत्रलाई केन्द्रविन्दु बनाएर ४.१ म्याग्निच्युडको भूकम्प गएको हो।

भूकम्पको धक्का हुम्लासहित आसपासका जिल्लाहरूमा समेत महसुस गरिएको थियो। यसअघि गत जेठ २९ गते सङ्खुवासभाको च्याम्ताङ आसपास केन्द्रविन्दु भएर ४ म्याग्निच्युडको भूकम्प गएको थियो। नेपाल हिमालय क्षेत्रमा अवस्थित भएकाले यहाँ विभिन्न समयमा साना-ठूला भूकम्प जाने गरेको केन्द्रले जनाएको छ।