सप्तकोशीमा जलसतह खतरा तहभन्दा ११.२६ मिटरभन्दा माथि पुगिसकेको छ। बढ्ने क्रममा रहेकाले सतर्कता अपनाउन अनुरोध गरिएको छ।

देशव्यापी रूपमा परेको अविरल वर्षापछि आएको बाढी, पहिरो तथा डुबानले जनजीवन अस्तव्यस्त बनाएको छ। काठमाडौँ उपत्यकामा ४८ जनासहित देशभर ८६ जनाले ज्यान गुमाएका छन्।

झ्याप्ले खेलामा पहिरोले पुरिएका दुई वटा सवारीसाधनबाट १४ जनाको शव निकालिएको छ।

अविरल वर्षापछिको बाढीपहिरो तथा डुबानलाई मध्यनजर गर्दै शिक्षा मन्त्रालयले तीन दिन विद्यालय बन्द गर्न सबै स्थानीय तहलाई अनुरोध गरेको छ। 

झ्याप्ले खेलामा पहिरोले पुरिएको बसबाट दुई जनाको शव निकालिएको धादिङ प्रहरीले जनाएको छ।

संस्कृतिविद् डा. गोविन्द टण्डनको ‘गुठीः जग्गा हो कि सम्पदा’ नामक पुस्तक लोकार्पण भएको छ।

सशस्त्र प्रहरी बलका अनुसार शनिबार साँझ ५ बजेसम्ममा वर्षाजन्य विपद्मा परेर देशभर ६६ जनाको मृत्यु भएको छ भने अन्य ७९ जना बेपत्ता छन्।

अविरल वर्षाका कारण बागमती नदीमा भिषण बाढी आएको छ। काठमाडौँ, ललितपुर र भक्तपुरका सबै खोलाको पानी मिसिएपछि बागमती उर्लिएको छ। चोभारको गल्छीबाट बाढी वस्तीमा पसेको छ। उपत्यकाको पानी बाहिरिने एक मात्र बाटो गल्छी हो। तस्वीर: नेपाल फोटो लाइब्रेरी\n

आपत्कालीन समन्वयात्मक बैठकले बिजुली, खानेपानी, टेलिफोनलगायत अत्यावश्यक सेवा तत्काल सञ्चालनको व्यवस्था मिलाउन सम्बन्धित मन्त्रालयलाई निर्देशन दिएको छ।

काठमाडौँ उपत्यका प्रहरी कार्यालयका अनुसार विपद्का घटनामा परी १७ जना बेपत्ता भएका छन् भने १७ जना घाइते छन्।

अविरल वर्षाका कारण झरेको पहिरोले पृथ्वीराजमार्गअन्तर्गत धुनीबेशी र चन्द्रागिरि नगरपालिकाको सीमास्थित झ्याप्ले खोलामा यात्रुवाहक बस पुरेको छ।

दुई दिनदेखिको अविरल वर्षाका कारण काठमाडौँ उपत्यकाका ३ जिल्लामा ३२ जनाको मृत्यु भएको छ भने देशभर ४१ जनाले ज्यान गुमाएका छन्। बाढीपहिरो र डुबानबाट ६३ स्थानमा यातायात पूर्णरूपमा अवरुद्ध भएको छ।

कुलेखानी जलविद्युत् आयोजनाको जलाशयका ढोका खोलिएपछि सिस्नेरी खोलामा जलसतह बढेसँगै सुरक्षित स्थानतर्फ जाने क्रममा बेपत्ता भएकामध्ये तीन विद्यार्थीको शव भेटिएको छ।

पहिरोले दोलखाको बिगु गाउँपालिका–१ लामाबगरस्थित ४५६ मेगावाट क्षमताको माथिल्लो तामाकोशी जलविद्युत् आयोजनाको बाँध क्षेत्रका संरचना (हेडवर्क्स)मा क्षति पुर्‍याएको छ।

सशस्त्र प्रहरीका अनुसार बाढीपहिरो तथा डुबानमा परी उपत्यकामा २१ जना तथा उपत्यका बाहिर नौ जनाको मृत्यु भएको छ भने ११ जना बेपत्ता भएका छन्।

चितवन प्रशासनले वर्षाका कारण हुनसक्ने क्षतिलाई मध्यनजर गर्दै नारायणगढ–मुग्लिन–नागढुंगा सडकमा सवारीसाधन सञ्चालनमा रोक लगाएको छ।

कुलेखानी जलविद्युत् आयोजनाको जलाशयका ढोका खोलिएपछि सिस्नेरी खोलामा जलसतह बढेसँगै सुरक्षित स्थानतर्फ जाने क्रममा ६ विद्यार्थी बेपत्ता भएका हुन्।

काठमाडौँमा नौ, ललितपुरमा नौ र भक्तपुरमा तीन जनाको मृत्यु भएको उपत्यका प्रहरी कार्यालयले जनाएको छ। 

बाढीपहिरो तथा डुबानमा परेका ७२८ जनालाई उद्धार गरिएको प्रहरीले जनाएको छ। बाढी पहिरोबाट काठमाडौँमा चार घर भत्किएका छन् भने २२६ घर डुबानमा परेका छन्।

कालिकोट स्थायी घर भई पलासेमा जग्गा भाडामा लिएर टहरो बनाएर बसेका तीन जना पहिरोमा पुरिएका हुन्।