सुनचाँदीको मूल्य बढ्यो

काठमाडौँ– साताको पहिलो कारोबार दिन आइतबार नेपाली बजारमा सुनको मूल्य बढेको छ।

नेपाल सुनचाँदी व्यवसायी महासंघका अनुसार छापावाल सुनको मूल्य आज २०० रुपैयाँले बढेर २ लाख ९७ हजार १०० रुपैयाँमा कारोबार भइरहेको छ। शुक्रबार छापावाल सुन तोलाको २ लाख ९६ हजार ९०० रुपैयाँमा कारोबार भएको थियो।

यस्तै, आज चाँदीको मूल्य पनि १५ रुपैयाँले बढेको छ। आज चाँदीको मूल्य ४ हजार ९७५ रुपैयाँ कायम भएको छ।
शुक्रबार चाँदी प्रतितोला ४ हजार ९६० रुपैयाँमा कारोबार भएको थियो।