नेप्से परिसूचक १० अंकले बढ्यो

काठमाडौँ– नेपाल स्टक एक्सचेन्ज (नेप्से) परिसूचक १०.८७ अंकले बढेर दुई हजार ६३३.७६ को बिन्दुमा कायम भएको छ।

आज ३४२ कम्पनीको एक करोड १९ लाख ४६ हजार ३३३ कित्ता शेयर ६३ हजार ९८१ पटक खरिद बिक्री हुँदा पाँच अर्ब १३ करोड ४८ लाख ५० हजार ५२ रुपैयाँ बराबरको कारोबार भएको नेप्सेले जनाएको छ।

आजको कारोबारमा सबै समूहको उपसूचक बढेको छ। सबैभन्दा बढी उत्पादन तथा प्रशोधन समूह १.६१ प्रतिशतले बढेको छ। एसवाई प्यानल नेपाल लिमिटेड र ङादी हाइड्रोपावर लिमिटेडको शेयर मूल्यमा सकारात्मक सर्किट लागेको छ भने विन नेपाल लघुवित्त वित्तीय संस्था लिमिटेडको शेयर मूल्यमा नकारात्मक सर्किट लागेको छ।

कारोबार रकमका आधारमा आज सबैभन्दा बढी ग्रीन भेन्चर लिमिटेडको १७ करोड ७९ लाख तीन हजार ४१३ रुपैयाँ बराबरको तीन लाख ४९ हजार ७४४ कित्ता शेयर किनबेच भएको छ।