सुनको मूल्य तोलामा ९०० ले बढ्यो

काठमाडौँ– मंगलबार नेपाली बजारमा सुनको मूल्य ९०० रुपैयाँले वृद्धि भएको छ।

नेपाल सुन चाँदी व्यवसायी महासंघका अनुसार साताको तेस्रो कारोबार दिन आज सुन  तोलामा ९ सय रुपैयाँले बढेर ३ लाख ५ हजार ५०० रुपैयाँ कायम भएको छ। आइतबार ९ हजार ५०० रुपैयाँले बढेको सुन सोमबार ४ हजार १०० रुपैयाँले बढेको थियो।

सुनको मूल्य बढे पनि चाँदीको भाउमा भने सामान्य गिरावट आएको छ। महासंघका अनुसार चाँदी प्रतितोला ५ हजार २४० रुपैयाँमा खरिदबिक्री भइरहेको छ। सोमबार चाँदी ५ हजार २५० रुपैयाँमा खरिदबिक्री भएको थियो। सोमबारको तुलनामा मंगलबार चाँदी १० रुपैयाँले घटेको हो।