रुससँग लड्दाको अनुभव बाँड्न चाहन्छन् जेलेनेस्की

युक्रेनी राष्ट्रपति भोलोदिमिर जेलेन्स्कीले इरानी ड्रोन र क्षेप्यास्त्रहरू विरुद्ध सहयोगीहरूलाई बचाउन सहयोग गर्न युक्रेनले खाडी देशहरूमा आफ्ना विज्ञहरू खटाउने योजना बनाएको बताएका छन्।

जेलेन्स्कीले विगत दुई दिनमा संयुक्त अरब इमिरेट्स (यूएई), कतार, जोर्डन र बहराइनका आफ्ना समकक्षीहरूसँग कुरा गरेको बताए।

जेलेन्स्कीले मध्यपूर्व द्वन्द्वबारे आफ्ना मन्त्रीहरू र सैन्य कमाण्डरहरूसँग परामर्श गरेपछि, युक्रेनको सुरक्षामा सम्झौता नगरी यी खाडी देशहरूलाई मद्दत गर्ने विकल्पहरू विकास गर्न आग्रह गरेको बताएका छन्।

सामाजिक सञ्जालमा जारी गरिएको एक विज्ञप्तिमा राष्ट्रपति जेलेन्स्कीले भने, "हामीलाई निरन्तर मिसाइल र ड्रोन आक्रमणहरू के हुन् र तिनीहरूको सामना कसरी गर्ने भन्ने बारे राम्ररी थाहा छ। हामीले यस क्षेत्रमा कसरी सहयोग गर्न सक्छौं भनेर छलफल गर्यौं र हाम्रा टोलीहरू सम्पर्कमा रहने कुरामा सहमति जनायौं।"

अमेरिका र इजरायली आक्रमणपछि, इरानले खाडीमा रहेका अमेरिकी सैन्य अड्डाहरूलाई लक्षित गर्दै ड्रोन र क्षेप्यास्त्र प्रहार गर्दै जवाफी आक्रमण शुरू गरेको छ।