भोटेकोशी बाढी: हालसम्म २५८ शव फेला, ९१० जना सम्पर्कविहीन

काठमाडौँ– रसुवाको भोटेकोशी नदीमा आएको बाढीका कारण हालसम्म २५८ जनाको मृत्यु भएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार रसुवामा दुई, नुवाकोटमा १२, धादिङमा २७, गोरखामा २०, चितवनमा १०८, तनहुँमा १२, नवलपरासी पूर्वमा ६२ र नवलपरासी पश्चिममा १५ जनाको शव फेला परेका हुन्।

प्राधिकरणका अनुसार हाल १३ हजार २९५ जना सुरक्षाकर्मी परिचालन गरिएको छ। जसमध्ये नेपाल प्रहरीका सात हजार २५०, नेपाली सेनाका चार हजार २०० र सशस्त्र प्रहरी बल नेपालका एक हजार ८४५ सुरक्षाकर्मी उद्धार, खोज तथा राहतमा खटिएका छन्। आज उद्धारका लागि ६९ हेलिकप्टर उडानमार्फत ३५१ जनाको उद्धार भइसकेको प्राधिकरणले जनाएको छ।

प्राधिकरणका अनुसार हाल ९१० जना सम्पर्कविहीन रहेका छन्। जसमध्ये नेपाल प्रहरीका २८, नेपाली सेनाका ४४, सशस्त्र प्रहरी बल नेपालका १३, भन्सार कार्यालयका १५, अध्यागमन कार्यालयका चार र रसुवाका १६१ तथा नुवाकोटका एक जना छन्। साथै ५१७ जना विदेशी नागरिक र नेपाल घुम्न आएका विदेशमा बस्ने १२७ जना नेपाली नागरिक सम्पर्कमा छैनन्।