बालुवाटारमा बसेको मन्त्रिपरिषद्को आकस्मिक बैठकले जाँच आयोग गठन गरेको उपप्रधान एवम् अर्थमन्त्री विष्णु पौडेलले जानकारी दिए।

श्रीमानको मृत्युपछि अञ्जुले पाइलटको कोर्स गरेर उडान क्षेत्रमा सामेल भएकी थिइन्। दुर्घटनामा परेर श्रीमानको मृत्यु भएको १६ वर्षपछि उनी पनि दुर्घटनामा परेकी छन्।

प्रधानमन्त्री दाहालका स्वकीय सचिव रमेश मल्लले प्रधानमन्त्रीको पोखरा जाने कार्यक्रम स्थगन गरिएको बताए।

नेपाल नागरिक उड्डयन प्राधिकरणको खोज तथा उद्धार समन्वय केन्द्रले जारी गरेको विज्ञप्तिमा पोखराबाट ९एनएएलएक्स र ९एनएएलए हेलिकोप्टर परिचालन गरिएको उल्लेख छ।

दुर्घटनास्थलमा अत्यधिक भिड हुँदा उद्धारमा समस्या भएको छ भने ट्राफिक समेत अस्तव्यस्त भएको छ।

राष्ट्रिय ट्रमा सेन्टरमा कार्यरत अर्थोपेडिक सर्जन डा. सुशील श्रेष्ठ, उनकी पत्नी डा. सोना दिवाकर र बच्चासमेत विमान दुर्घटनामा परेका छन्।

त्रिभुवन अन्तर्राष्ट्रिय विमानस्थलका प्रवक्ता टेकनाथ सिटौलाले दुर्घटनाभएपछि पोखरा विमानस्थलबाट हुने सबै उडान स्थगित गरिएको जानकारी दिए।

दुर्घटनामा परेको यती एयरलाइन्सको विमानले गत पुष ७ गते पोखरा अन्तर्राष्ट्रिय विमानस्थलमा पहिलोपटक डेमो उडान गरेको थियो।

पोखरामा भएको विमान दुर्घटनाबारे जानकारी लिन प्रधानमन्त्री पुष्पकमल दाहाल ‘प्रचण्ड’ त्रिभुवन अन्तर्राष्ट्रिय विमानस्थल पुगेका छन्।

विमानमा लागेको आगो नियन्त्रणमा आएको छैन।

काठमाडौँबाट १०ः३३ मा उडेको एटीआर ७२ विमान अवतरण गर्ने क्रममा दुर्घटना भएको हो।

पोखराको घारीपाटनमा रहेको सीताराम पुलमा विमान खसेको हो। प्रारम्भिक जानकारीअनुसार विमानमा ६८ यात्रु थिए। जमिनमा खसेपछि विमानमा आगो लागेको छ।

आगलागी बारुणयन्त्र, प्रहरी तथा स्थानीयवासीको प्रयासमा करिब तीन घण्टापछि नियन्त्रणमा आएको थियो।

गत पुस २० गते गृहमन्त्रालयले मापदण्डविपरीतका क्रसर उद्योग बन्द गर्न निर्देशन दिएसँगै दाङका सबै क्रसर बन्द भएका छन्।

आज काठमाडौँ उपत्यकाको न्यूनतम तापक्रम तीन दशमलव आठ डिग्री र अधिकमत तापक्रम १९ दशमलव दुई डिग्री सेल्सियस रहेको छ।

गृहमन्त्री रवि लामिछानेले निर्मला कुर्मी र नकुन्नी धोबीको घटनाबारे सत्यतथ्य छानबिन हुने, त्यसमा कैफियत देखिए पदबाट राजीनामा दिन तयार रहेको बताएका छन्।

जापानको सत्तारूढ दल ‘लिबरल डेमोक्राटिक’का सांसद ताईरा मासाकीसँगको भेटमा प्रधानमन्त्री दाहालले जापानी व्यवसायीलाई नेपालमा लगानी गर्न आउने गरी वातावरण तयार गरिदिन आग्रह गरेका छन्।

शिवपुरी राष्ट्रिय निकुञ्जमा पर्ने हिले भञ्ज्याङमा शिव चिया बेच्छन्। यहाँबाट चिसापानी, धाप ड्याम, हैबुङ, नगरकोट र मुलखर्क जाने फरक–फरक बाटा छन्। पैदलयात्रा गर्ने प्रायले उनलाई बाटो सोधेकै हुन्छन्।

काठमाडौँ महानगरले दुई वटा गाडीलाई मर्मत गरेर भौतिक पूर्वाधार एम्बुलेन्स सञ्चालनमा ल्याएको थियो। शुरूमा दुवैलाई काम भ्याउन मुस्किल थियो। अहिले एउटा बिग्रिएको छ। भएको एउटाले पनि काम पाउन सकेको छैन। 

दिउँसो कर्णाली, गण्डकी र प्रदेश १ का पहाडी भागमा आंशिक बदली रहने छ। तर, हिमपात हुने सम्भावना भने नरहेको मौसम पूर्वानुमान महाशाखाले जनाएको छ।