म्यानमारको अस्पतालमा हवाई आक्रमण, ३१ जनाको मृत्यु

म्यानमारको अस्पतालमा भएको सैन्य हवाई आक्रमणमा ३० जनाभन्दा बढीको ज्यान गएको छ। म्यानमारको गृहयुद्ध शुरू भएदेखि जुन्टाले हवाई आक्रमण बढाएको द्वन्द्व पर्यवेक्षकले बताएका छन्। 

सेनाले डिसेम्बर २८ देखि शुरू गर्ने मतदानको विरोध घोषणा गर्दै विद्रोहीले यसलाई आफ्नो नियन्त्रणको क्षेत्रबाट रोक्ने वाचा गरेका छन्, जसलाई जुन्टाले फिर्ता लिन लडिरहेको छ।

एक सैन्य जेटले बुधबार साँझ बांग्लादेशको सिमानामा रहेको पश्चिमी राखाइन राज्यको म्राक–यूको अस्पतालमा बम प्रहार गरेको अस्पतालका सहायताकर्मी वाई हुन आङले बताएका छन्। 

आक्रमणमा ६८ जना घाइते भएकाले थप मानिसको मृत्यु हुनसक्ने उनको भनाइ छ। अस्पताल बाहिर जमिनमा कम्तीमा २० वटा शव देखिएको जनाइएको छ।

राखाइन राज्य लगभग पूर्ण रूपमा अराकान आर्मी (एए) द्वारा नियन्त्रित छ भने एक जातीय अल्पसंख्यक समूह सेनाले लोकतान्त्रिक नेता आङ सान सुकीको नागरिक सरकारलाई अपदस्थ गर्नुभन्दा अघिदेखि सक्रिय छ।

स्वास्थ्य विभागको विज्ञप्तिमा हवाई आक्रमणमा अस्पतालका १० जना बिरामीहरूको घटनास्थलमै मृत्यु भएको जनाइएको छ।