तोलामा ५ हजार ५०० रुपैयाँले बढ्यो सुन

काठमाडौँ– नेपाली बजारमा सुनको मूल्यले पुनः नयाँ रेकर्ड बनाएको छ। सोमबारको तुलनामा तोलामा ५ हजार ५०० रुपैयाँले वृद्धि भएर हालसम्मकै उच्च विन्दुमा पुगेको हो। 

नेपाल सुनचाँदी व्यवसायी महासंघका अनुसार, मंगलबार सुन प्रतितोला २ लाख ६७ हजार २०० रुपैयाँमा कारोबार भइरहेको छ। सोमबार २ लाख ६१ हजार ७०० रुपैयाँ थियो।

पछिल्ला दिनमा सुनको मूल्य लगातार बढिरहेको छ। पुस १ गते प्रतितोला २ लाख ५९ हजार रुपैयाँमा कारोबार भएको थियो।  

यस्तै, मंगलबार चाँदीको मूल्य पनि बढेको छ। सोमबार तोलामा २ हजार २३५ रुपैयाँमा कारोबार भएको चाँदी ४ हजार २५५ रुपैयाँ पुगेको छ। 

अन्तर्राष्ट्रिय बजारमा सुन प्रतिऔँस ४ हजार ४८२ अमेरिकी डलरमा कारोबार भइरहेको छ।