यस्तो रहनेछ शुक्रबारको मौसम

काठमाडौँ– देशमा उल्लेखनीय मौसम प्रणालीको प्रभाव नरहेको जल तथा मौसम विज्ञान विभागले जनाएको छ। 

दिउँसो तराईका केही स्थानमा हुस्सु लाग्नेछ। कोशी र सुदूरपश्चिमका उच्च पहाडी तथा हिमाली भूभागमा आंशिक रूपमा बादल लाग्ने तथा बाँकी स्थानमा मौसम मुख्यतया सफा रहनेछ। 

त्यसैगरी, राति पनि तराईका केही स्थानमा हुस्सु लाग्नेछ। कर्णाली र सुदूरपश्चिममा आंशिक बादल लाग्ने तथा बाँकी स्थानमा मौसम मुख्यतया सफा रहनेछ। 

हुस्सुका कारण  दैनिक जनजीवन, पर्यटन, स्वास्थ्यका साथै यातायातमा प्रभाव पर्ने भएकाले सतर्कता अपनाउन विभागले अनुरोध गरेको छ।