कर्णाली र सुदूरपश्चिमका उच्च पहाडी भूभागमा हल्का वर्षाको सम्भावना

काठमाडौँ– नेपालमा उल्लेखनीय मौसम प्रणालीको प्रभाव रहेको छैन। जल तथा मौसम विज्ञान विभागका अनुसार कोशी, मधेश र लुम्बिनीको तराई भूभागमा तुवाँलो लागेको छ। पहाडी तथा हिमाली भूभागमा मौसम मुख्यतया सफा रहेको छ।

दिउँसो तराईका केही स्थानमा हुस्सु र कुहिरो रहनेछ। कर्णाली र सुदूरपश्चिमका उच्च पहाडी तथा हिमाली भूभागका एक–दुई स्थानमा हल्का वर्षासहित हिमपातको सम्भावना रहेको विभागले जनाएको छ ।

यसैगरी, राति पनि तराईका केही स्थानमा हुस्सु रहनेछ। गण्डकी, लुम्बिनी, कर्णाली र सुदूरपश्चिममा आंशिक बदली हुनेछ। कर्णालीका उच्च पहाडी तथा हिमाली भूभागमा हल्का वर्षा हुने विभागको अनुमान छ।