आज मध्यरातदेखि निर्वाचन आचारसंहिता लागू हुने

काठमाडौँ– आगामी फागुन २१ गते हुने प्रतिनिधिसभा सदस्य निर्वाचनका लागि आज मध्यरातदेखि 'निर्वाचन आचारसंहिता, २०८२' लागू हुने भएको छ। निर्वाचन आयोगको आज बसेको बैठकले यस्तो निर्णय गरेको सहायक प्रवक्ता कुलबहादुर जिसीले जानकारी दिएका छन्।

निर्वाचनमा स्वतन्त्रता, स्वच्छता, निष्पक्षता, पारदर्शिता, मितव्ययिता तथा भयमुक्त वातावरण कायम राख्न आवश्यक भएकाले 'निर्वाचन आयोग ऐन, २०७३' को दफा २२ ले दिएको अधिकार प्रयोग गरी आयोगले आचारसंहिता लागू गरेको उनले बताए।

आचारसंहिताबारे आजै आयोगका पदाधिकारीहरूले मन्त्रिपरिषद्का सदस्य र उच्चपदस्थ सरकारी कर्मचारीहरूलाई जानकारी गराउने कार्यक्रम रहेको छ।