यस्तो रहनेछ बिहीबारको मौसम

काठमाडौँ– नेपालमा पश्चिमी वायुको आंशिक प्रभाव रहेको छ।

कोशी र गण्डकीका उच्च पहाडी तथा हिमाली भूभागमा आंशिक बादल रहेको छ। तराई भूभागका धेरै स्थानमा तुवाँलो लागेको जल तथा मौसम विज्ञान विभागले जनाएको छ।

दिउँसो तराईका केही स्थानमा हुस्सु र कुहिरो रहनेछ। कोशी र गण्डकीका उच्च पहाडी तथा हिमाली भू‍भागमा आंशिक बदली हुनेछ। बाँकी भूभागमा मौसम मुख्यतया सफा रहनेछ।

राति पनि तराईका केही स्थानमा हुस्सु रहनेछ। कोशी, गण्डकी, कर्णाली र सुदूरपश्चिमका उच्च पहाडी तथा हिमाली भू‍भागमा आंशिक बदली हुनेछ। बाँकी भूभागमा मौसम मुख्यतया सफा रहने विभागले जनाएको छ।