यस्तो रहनेछ शनिबारको मौसम

काठमाडौँ– नेपालमा पश्चिमी न्यूनचापीय प्रणालीको आंशिक प्रभाव रहेको छ। तराईका केही स्थानमा हुस्सु र कुहिरो रहेको छ। 

गण्डकी, कर्णाली र सुदूरपश्चिमका पहाडी र हिमाली भूभागमा आंशिक बादल लागेको जल तथा मौसम विज्ञान विभागले जनाएको छ। दिउँसो तराईका धेरै स्थानमा हुस्सु नै रहनेछ। 

कोशी, मधेश, बागमती, गण्डकी र लुम्बिनीमा आंशिक बादल लाग्नेछ। कोशी र गण्डकीका उच्च पहाडी तथा हिमाली भूभागमा हल्का वर्षासहित हिमपातको सम्भावना छ।

यसैगरी, राति पनि तराईका थोरै स्थानमा हुस्सु रहनेछ। कोशी, मधेश र बागमतीमा आंशिक बादल लाग्नेछ छ।