मादुरो रिहाइको माग गर्दै भेनेजुएलमा प्रदर्शन

भेनेजुएलाका पूर्वराष्ट्रपति निकोलस मादुरोको रिहाइको माग गर्दै उनका समर्थकले काराकसमा प्रदर्शन गरेका छन्। प्रदर्शनका सहभागीले भेनेजुएलालाई मादुरोको आवश्यकता रहेको भन्दै नारा लगाएका छन् ।

अन्तरिम राष्ट्रपति डेल्सी रोड्रिगेज राजनैतिक संक्रमको चुनौतिसँग लडिरहेकी छन्। वासिंटनबाट उनको सरकारमा मादुरोका सहयोगी र भेनेजुएलाका जनताको समर्थनलाई खोजिरहेको जनाइएको छ।

प्रदर्शनकारीमध्ये धेरै जना सार्वजनिक क्षेत्रका कामदार थिए। उनीहरूले मादुरो र उनकी श्रीमती सिलिया फ्लोरेसको फोटो बोकेका थिए। सरकारले आह्वान गरेको पदयात्रा तथा विरोध प्रदर्शन सयौँ मिटरसम्म फैलिएको थियो।  

अमेरिकी राष्ट्रपति डोनाल्ड ट्रम्पले रोड्रिगेज अमेरिकासँग काम गर्न इच्छुक रहेको र भेनेजुएलाको विशाल तेल भण्डारमा पहुँच दिन तयार रहेको बताएका छन्। दबाबमा रोड्रिगेजले राजनीतिक बन्दीलाई मुक्त गर्न र भेनेजुएलाको हाइड्रोकार्बन उद्योगलाई निजी लगानीका लागि खोल्न थालेका छन्। (रासस/एएफपी)