कोशी, बागमती र गण्डकीमा हल्का वर्षाको सम्भावना

काठमाडौँ– देशमा पश्चिमी न्यूनचापीय प्रणालीको प्रभाव रहेको छ। बागमती, गण्डकी, कर्णाली र सुदूरपश्चिमका पहाडी र हिमाली भूभागमा साधारणतया बादल लागेको छ।  तराईका केही स्थानमा हुस्सु लागेको छ। 

जल तथा मौसम विज्ञान विभागका अनुसार कोशी, बागमती र गण्डकीका हिमाली भूभागमा साधारणतया बादल लाग्नेछ। यी प्रदेशका उच्च पहाडी तथा हिमाली भूभागका एक–दुई स्थानमा हल्का वर्षा तथा हिमपातको सम्भावना छ।

राति तराईका केही स्थानमा तुवाँलो लाग्नेछ। कोशी, मधेश, बागमती र गण्डकीमा आंशिक बदली हुनेछ। बाँकी प्रदेशमा मुख्यतया मौसम सफा रहनेछ। 

कोशीका उच्च पहाडी तथा हिमाली भूभागका एक–दुई स्थानमा हल्का वर्षा तथा हिमपातको सम्भावना छ।