नेपालले इरानी नागरिकलाई ‘अनअराइभल’ भिसा नदिने

काठमाडौँ– नेपाल भ्रमण गर्न चाहने इरानका नागरिकलाई नेपाल सरकारले आगमन प्रवेशाज्ञा (अनअराइभल भिसा) उपलब्ध नगराउने भएको छ। सरकारी र कूटनीतिक राहदानीबाहक बाहेकका इरानी नागरिकले अब विदेशस्थित नेपाली नियोग (दूतावास) बाट भिसा लिए मात्र नेपाल प्रवेश गर्न पाउने भएका छन्।

यससँगै नेपालमा ‘अनअराइभल’ भिसा नपाउने मुलुकको संख्या १३ पुगेको अध्यागमन विभागले जनाएको छ। यस्तो भिसा नपाउने अन्य मुलुकहरूमा नाइजेरिया, घाना, जिम्बाब्वे, स्वाजिल्यान्ड (स्वीट्जरल्यान्डको साटो स्वाजिल्यान्ड वा इस्वातिनी हुन सक्छ, यदि स्विट्जरल्यान्ड नै हो भने त्यहाँ थप स्पष्ट हुनुपर्छ), क्यामेरुन, सोमालिया, लाइबेरिया, इथियोपिया, इराक, प्यालेस्टाइन, अफगानिस्तान र सिरिया रहेका छन्।

त्यसैगरी, शरणार्थी स्टाटसका ‘ट्राभल डकुमेन्ट’ भएका व्यक्तिले पनि नेपाल प्रवेश गर्दा विदेशस्थित नेपाली नियोगबाट भिसा लिएर मात्र प्रवेश गर्न पाउने व्यवस्था रहेको अध्यागमन विभागका निमित्त महानिर्देशक टीकाराम ढकालले बताए।