कस्तो रहला आजको मौसम?

काठमाडौँ- हाल नेपालमा पश्चिमी न्यून चापीय प्रणालीको प्रभाव रहेको छ।

जल तथा मौसम विज्ञान विभागका अनुसार हाल बागमती, गण्डकी, लुम्बिनी, कर्णाली र सुदूरपश्चिम प्रदेशसहित बाँकी प्रदेशका पहाडी र हिमाली भूभाग साधारणतया बादल लागेको र बाँकी भूभागमा आंशिक बादल लागेको छ। सुदूपश्चिम प्रदेश लगायत कोशी, बागमती, गण्डकी, लुम्बिनी र कर्णाली प्रदेशको पहाडी भूभागका थोरै स्थानहरूमा मेघगर्जन/चट्याङ्गसहित मध्यम वर्षा भइरहेको छ।

आज दिउँसो लुम्बिनी, कर्णाली र सुदूरपश्चिम प्रदेशलगायत बाँकी पहाडी र हिमाली भूभाग साधारणतया बादल लाग्ने तथा बाँकी भूभाग आंशिक बादल लाग्नेछ। गण्डकी, कर्णाली, सुदूरपश्चिम, कोशी, बागमती र लुम्बिनी प्रदेशका हिमाली भूभागका थोरै स्थानहरूमा मेघगर्जन/चट्याङ्गसहित मध्यम वर्षा र हिमपातको सम्भावना रहेको विभागले जनाएको छ।  

कर्णाली र सुदूरपश्चिम प्रदेशका पहाडी भूभागका थोरै स्थानहरूमा तथा बाँकी प्रदेशका पहाडी भूभागका एक-दुई स्थानहरूमा मेघगर्जन,चट्याङ्ग र अशिनासहित मध्यम वर्षाको सम्भावना रहेको छ। तराई भूभागका एक-दुई स्थानमा मेघगर्जन/चट्याङ्गसहित हल्का वर्षाको सम्भावना रहेको छ।
 
त्यस्तै, आज राति  कर्णाली र सुदूरपश्चिम प्रदेशका पहाडी र हिमाली भूभाग तथा बाँकी प्रदेशको हिमाली भूभाग साधारणतया बादल लाग्ने तथा बाँकी पहाडी र तराई भूभाग आंशिक बादल लाग्नेछ।

गण्डकी,  कर्णाली र सुदूरपश्चिम  प्रदेशका हिमाली भूभागका थोरै स्थानहरूमा र बाँकी हिमाली भूभागका एक-दुई स्थानमा मेघगर्जन/चट्याङ्गसहित हल्का वर्षा र हिमपातको सम्भावना रहेको छ। गण्डकी, कर्णाली र सुदूरपश्चिम  प्रदेशका पहाडी भूभागका एक-दुई स्थानमा मेघगर्जन/चट्याङ्गसहित हल्का वर्षाको सम्भावना रहेको विभागले जनाएको छ।