आजदेखि एसईई परीक्षा शुरू, ५ लाखभन्दा बढी विद्यार्थी सहभागी हुँदै

काठमाडौँ- यस वर्षको माध्यमिक शिक्षा परीक्षा (एसईई) बिहीबारदेखि शुरू हुँदैछ। राष्ट्रिय परीक्षा बोर्डका अनुसार यस वर्ष देशभरबाट ५ लाख १२ हजार ४२१ जना विद्यार्थी परीक्षामा सहभागी हुँदैछन्।

बोर्डका अनुसार सहभागीमध्ये प्राविधिक धारतर्फ १६ हजार ३१२ जना विद्यार्थी रहेका छन् भने आंशिकतर्फ २६४ जनाले परीक्षा दिनेछन्।

राष्ट्रिय परीक्षा बोर्डका अनुसार परीक्षा बिहान ८ बजेदेखि देशका ७७ वटै जिल्लामा एकैसाथ शुरू हुनेछ।