कक्षा १२ को परीक्षा आजदेखि, ४ लाखभन्दा बढी विद्यार्थी सहभागी

काठमाडौँ- आजबाट कक्षा १२ को परीक्षा देशभर एकै साथ शुरू हुँदै छ।

७७ वटै जिल्लामा सञ्चालन हुने परीक्षामा ४ लाख १८ हजार ८ जना परीक्षार्थी सहभागी हुने राष्ट्रिय परीक्षा बोर्डले जनाएको छ।

यसवर्ष नियमिततर्फ ३ लाख ३२ हजार १७८ र आंशिकतर्फ ८५ हजार ८३० जना विद्यार्थी सहभागी हुने बोर्डले जनाएको छ। २०७९ यताका विद्यार्थी आंशिक परीक्षामा सहभागी हुनेछन्।