नवनिर्वाचित सांसदहरूको शपथ चैत १२ गते

काठमाडौँ- नवनिर्वाचित सांसदहरुको शपथ चैत १२ गते हुने भएको छ। संघीय संसद् सचिवालयले सूचना जारी गरी नवनिर्वाचित सांसदहरूको सपथ चैत १२ गते बिहीबार हुने जनाएको हो।

शपथ ग्रहण कार्यक्रम दिउँसो २ बजे संघीय संसद् भवनको बहुउद्देश्यीय सभाकक्षमा हुने तय भएको छ। सांसदहरूलाई कार्यक्रम समयभन्दा दुई घन्टा चाँडै उपस्थित हुन सचिवालयले आग्रह गरेको छ।

नवनिर्वाचित सांसदहरूलाई निर्वाचन आयोगबाट प्राप्त प्रतिनिधिसभा सदस्य पदको प्रमाणपत्र, नेपाली नागरिकताको प्रमाणपत्रको प्रतिलिपि र हालसालै खिचिएको पासपोर्ट साइजको दुई प्रति फोटोसहित औपचारिक वा आफ्नो सांस्कृतिक पहिचानको पोशाकमा उपस्थित हुन भनिएको छ।