बझाङको रायाल आसपास केन्द्रविन्दु भएर भूकम्प

काठमाडौँ– बझाङ जिल्लाको रायाल आसपास केन्द्रविन्दु भएर सोमबार दिउँसो भूकम्प गएको छ।

राष्ट्रिय भूकम्प मापन तथा अनुसन्धान केन्द्र, लैनचौरका अनुसार सोमबार दिउँसो १:१४ बजे बझाङको रायाल आसपास केन्द्रविन्दु भई ४.१ म्याग्निच्युडको भूकम्प गएको हो।

यसअघि गत चैत ३ गते दार्चुलाको सितौला आसपास केन्द्रविन्दु भएर ४.० म्याग्निच्युडको भूकम्प गएको थियो। नेपाल हिमालय क्षेत्रमा अवस्थित भएकाले यहाँ विभिन्न समयमा साना-ठूला भूकम्प जाने गर्दछन्।