रास्वपा संसदीय दलको नेतामा बालेन्द्र शाह चयन

काठमाडौँ— राष्ट्रिय स्वतन्त्र पार्टी (रास्वपा)को संसदीय दलको नेतामा बालेन्द्र शाह चयन भएका छन्। रास्वपाको बिहीबार बसेको केन्द्रीय समितिको बैठकले शाहलाई संसदीय दलको नेता चयन गरेको हो। 

बैठकमा सभापति रवि लामिछानेले पार्टीका वरिष्ठ नेता शाहलाई संसदीय दलको नेताका रूपमा चयन गर्न गरेको प्रस्ताव सर्वसम्मत रूपमा पारित भएको प्रवक्ता मनिष झाले जानकारी दिए।

नवनिर्वाचित संसदीय दलका नेता शाहको शुक्रबार प्रधानमन्त्रीका रूपमा शपथ लिने कार्यक्रम रहेको छ। फागुन २१ को निर्वाचनपछि बिहीबार प्रतिनिधिसभा सदस्यहरूले पद तथा गोपनीयताको शपथ लिएका छन्। सिंहदरबारमा आयोजित समारोहमा ज्येष्ठ सदस्य अर्जुननरसिंह केसीले नवनिर्वाचित सांसदहरूलाई शपथ गराएका हुन्।