आज यी प्रदेशमा वर्षाको सम्भावना

काठमाडौँ- नेपालमा पश्चिमी वायु र स्थानीय वायुको आंशिक प्रभाव रहेको छ।

जल तथा मौसम विज्ञान विभागका अनुसार हाल कोशी, बागमती, गण्डकी प्रदेशका पहाडी र हिमाली भूभाग लगातय देशका हिमाली भूभागमा साधारणतया बादल र बाँकी पहाडी भूभागमा आंशिक बादल लागेको छ। तराईमा मौसम मुख्यतया सफा रहेको छ।

आज दिउँसो कोशी प्रदेशका पहाडी र हिमाली भूभागलगातय देशका हिमाली भूभागमा साधारणतया बादल लाग्नेछ। पहाडी भूभागमा तथा कोशी प्रदेशका तराईमा आंशिक बादल लाग्ने र बाँकी तराई भूभागमा मौसम मुख्यतया सफा रहनेछ। 

गण्डकी, कर्णाली र सुदूरपश्चिम प्रदेशका हिमाली भूभागका थोरै स्थानहरूमा तथा कोशी, गण्डकी, कर्णाली र सुदूरपश्चिम प्रदेशका पहाडी भूभागका एक-दुई स्थानमा मेघगर्जन/चट्याङसहित हल्का वर्षा र हिमपातको सम्भावना रहेको छ। लुम्बिनी र सुदूरपश्चिम प्रदेशका तराईका केही स्थानहरूमा हावाहुरीको समेत सम्भावना रहेको छ।

त्यस्तै, आज राति देशका हिमाली भूभागमा साधारणतया बादल लाग्नेछ। पहाडी भूभागमा आंशिक बादल लाग्ने र तराई भूभागमा मौसम मुख्यतया सफा रहनेछ। कोशी, गण्डकी र कर्णाली प्रदेशका हिमाली भूभागका थोरै स्थानहरूमा तथा बाँकी हिमाली भूभाग र कोशी र गण्डकी प्रदेशका पहाडी भूभागको एक-दुई स्थानमा मेघगर्जन/चट्याङसहित हल्का वर्षा र हिमपातको सम्भावना रहेको छ।