सवारी नियम पालना नगर्ने १ हजार ७१९ चालक कारबाहीमा

काठमाडौँ-  २४ घण्टामा सवारी नियम पालना नगर्ने एक हजार ७१९ जना चालक ट्राफिक कारबाहीमा परेका छन्।

काठमाडौँ उपत्यका ट्राफिक प्रहरी कार्यालयका अनुसार मादक पदार्थ सेवन गरेर सवारी चलाएका ११३ जना, यान्त्रिक अवस्था ठीक नभएका ३५, सङ्केत बत्ती उल्लङ्घनकर्ता १०२, तीव्र गतिमा सवारी हुइँक्याउने ९३, लेन अनुशासन पालना नगर्ने १७९ र सार्वजनिक यातायातका साधन असुरक्षित ढङ्गले सञ्चालन गर्ने ३८ सवारीसाधनका चालकलाई कारबाही गरिएको हो।

त्यसैगरी, अनावश्यक हर्न बजाउने ४६ जना, निर्धारित स्थानमा यात्री चढाउने र ओराल्ने २० जना र अन्य सवारी नियम उल्लङ्घन गर्ने एक हजार ९३ जनालाई कारबाही गरिएको कार्यालयले‍ जनाएको छ।

ट्राफिक प्रहरीको कारबाहीबाट ११ लाख ८४ हजार ५ सय रुपैयाँ राजस्व राज्यकोषमा दाखिला भएको कार्यालयले जनाएको छ। रासस